早前鄧麗欣（Stephy）於昆明拍內地電視劇《風雨桃花鎮》，誰知昨日她所住的酒店發生天花倒塌，令她嚇到花容失色。雖然只是虛驚一場，但事後她仍在微博上載天花塌下的照片，並寫道︰「第一次感到生命的脆弱」，認真感到自己從死裏逃生！
她接受本報訪問時即向大家報平安，還親自憶述事件，她說：「早排都覺得間房係『有啲嘢』，第一次入到嚟就見到地下好多灰同塵，初頭就以為只係外面風吹入嚟，但關咗窗都仲有，原來係間房天花出現裂痕。其實大樓管理處都話會幫我維修，點知第二日就出事喇。」她謂可能由於早前當地落下滂沱大雨，加上打雷關係，令日久失修的石屎剝落，她繼續說︰「當時真係嚇死我，因為佢真係跌喺我隔籬，仲要跌完又跌，體積仲幾大塊，就算唔中頭𠝹親都唔好啦，今次真係唔知係好彩定係唔好彩，好彩係個人冇事同埋助手冇瞓喺我隔籬咋。」
同行的方力申亦住在Stephy隔壁的房間，事後她已叮囑小方與同行的所有工作人員視察天花有否問題，又表示還未敢告訴媽媽，怕她會擔心。吳雨霏亦在微博留言斥事件太離譜，更建議Stephy換飯店，其後Stephy向她表示這裏不算是酒店，是軍區療養院，由於所有工作人員都住那兒，不能話搬就搬，更何況已住了一段時間，有太多東西要整理。
文：專案組