睇舖變助查「啤梨」疑遭大整蠱
在無綫遊戲節目《味分高下》中擔任天使「啤梨」的藝員張韋怡（Go Go），在西九龍中心的舖頭內涉嫌售賣侵權物品，被海關帶署調查並帶走有關貨物扣查。昨午「啤梨」在舖頭內接受訪問，她說店舖只開業了兩個多月，並非由她經營，前日她只是剛巧為親友看舖，未料竟然會「當黑」遇上海關上門調查，當時她被嚇得不知所措喊起來：「我協助調查咗三小時，部分貨物包括服裝、隨日本雜誌送贈嘅手袋等畀海關扣查，但冇人被海關起訴，海關話可以如常營業，等親友整理好貨物後再開舖。」她已交由律師處理。
「啤梨」懷疑遭商場同行「大整蠱」：「雖然我唔清楚貨物來源，但已經退休、開舖為打發時間嘅親友唔會售賣冒牌貨。海關話有人舉報過我哋好多次，唔知係咪得罪人畀人整蠱！我哋自問冇得罪人，可能我幫手睇舖時，藝人身份畀人針對啦，又或者我哋嘅貨品賣得平過人，有人唔鍾意啦，成件事好似係個局咁畀人中傷，希望大家良性競爭啦。」「啤梨」說店主親友指繼續經營，不會讓有心人得逞，而她經過今次事件，對做生意感怕怕！