嘉玲未玩夠唔急生仔
【劉慰思米蘭直擊】劉嘉玲自08年和梁朝偉結婚後，一直被指努力造人，不過每次都只聞樓梯響。日前嘉玲現身米蘭時裝周時，首次表態不會視生兒育女為人生目標，享受人生才重要，明顯嘉玲對做母親的天職持半放棄態度！
於米蘭時間廿六日晚上六時，劉嘉玲現身國際品牌Salvatore Ferragamo 2011米蘭春夏女裝時裝展，嘉玲以一襲品牌全球只得一條的銅色窩釘連身裙上陣，成為全場焦點，甫到場即獲品牌女裝皮具總監James Ferragamo親自接待，並和國際名模歌地亞雪花等名人同坐貴賓席睇騷。嘉玲的知名華語電影女星身份，令不少國際媒體爭相拍照。
自言當天早上才抵埗的嘉玲心情甚佳，幾乎有問必答，更稱曾到米蘭多次，今次會逗留約十天：「我唔想咁趕，想行吓街，觀光同shopping，想玩吓囉。好多人都話治安差，但我覺得唔係，之前去威尼斯影展，我個化妝師朋友唔見咗部手機都搵得番。」
預告探班
近來常多次到歐洲的嘉玲，也直認自己是空中飛人：「多咗好多嘢做，但好開心同enjoy。（少見偉仔？）都係咁。（偉仔拍戲你會探班？）一向都好少去探班，但佢依家喺開平拍戲（《一代宗師》），咁近我今次就會探佢班。」
問嘉玲如此忙碌，哪有時間造人？她聞言即哈哈大笑：「順其自然，（李嘉欣都造人成功？）唔係我人生目標，（效法溫碧霞領養小朋友？）都係嗰句，唔係我人生目標，（人生目標係咩？）Enjoy the life（享受人生）！」
地位超然
騷後，嘉玲親到後台與品牌創作總監Massimiliano Giornetti見面，晚上更應Ferragamo家族邀請出席派對《Seize the Moment》，並換上品牌的Halter neck針織長裙示人。翌日嘉玲到品牌的陳列室，率先欣賞及挑選品牌2011的春夏新裝。此外，澳洲天后Kylie Minogue以鮮黃色谷胸裙出席Dolce & Gabbana 2011春夏時裝騷，十分搶鏡。
