江若琳拍拖理智 唔會玩大
江若琳提早與影迷慶祝生日，獲經理人「御准」拍拖，她坦言自己事業心大過天，就算拍拖也不會衝動生B。有影迷打造足金船作賀禮，寓意一帆風順，令她甜在心裏。
本月三十日才廿三歲牛一的江若琳，屆時將身在北京為電視劇開工，故昨晚提前與數十fans食飯慶祝，場面熱鬧。悉心打扮的壽星女到場即與影迷打招呼及拍照留念，獲送花又收禮物，據悉其中一份禮物更是以999金打造成的「黃金船」，她深感背後意義非凡，為報答影迷的厚愛，平日十指不沾陽春水的她竟主動幫歌迷剝蝦殼。
願望下廚遭揶揄
談到生日願望，江若琳不諱言：「想喺紅館開個唱，之前有諗過已經大個女，想親自煮餐飯畀經理人公司同事食，點知未煮佢哋話費事我屋企門口停滿十字車喎。佢哋肯食，自然係我願望之一啦。」期間其經理人在旁搭訕，着她快點拍拖，豈料江若琳聞言即謂：「依家我事業心大過天，就算拍拖都好理智，如果要拍，都係會搵個可以同我行人生路嘅人，可能會拍十年拖架。（要乜嘢條件？）有才華，點都有樣嘢好叻，我會好欣賞嘅。（似林嘉欣搵才子生BB？）我唔會咁衝動嘅。」
出私伙扮經理人
由於即將出發往北京拍劇，戲中扮演經理人的她最近四出尋覓高跟鞋：「梗係要出私伙啦，到依家已經買咗十對，經理人都送咗一對限量版嘅畀我。我驚行李重得滯，所以問緊可唔可以先寄啲鞋上去『報到』先。」此行她預算會逗留四十多天，「絕迹」香港。
文：影視組