錢國偉：秘撈唔係罪
捲入廉署「威遠行動」的前無綫監製錢國偉，於今年八月十日獲撤銷擔保，毋須再報到，可謂一身鬆晒，但得知曾經是同一條船的陳志雲，今日有可能被落案檢控，錢國偉昨日在電話中坦言希望對方吉人天相。
錢國偉之前因「秘撈」惹禍，如今「甩身」都算執一身彩，難得是無綫既往不咎，最近邵氏開賀歲電影，亦預他份兒，日前更有人在電視城餐廳見到錢國偉與邵氏人員密斟，無綫中人都對這個關係修復得如此快，都嘖嘖稱奇。問可擔心這個修復會令人懷疑？錢國偉昨說：「我兼職都有報（無綫），唔係罪，同個Case冇衝突，無綫冇話我有過失，只係我唔想坐喺度等先出去做，今次再同邵氏合作，係有傾過，我的確成日返電視城，總之我唔會理人點懷疑。」