婷婷爆鋒芝二少取名振南

昨晚A.T by ATSURO TAYAMA舉行秋冬時裝表演，謝婷婷擔任模特兒行騷，以打頭陣及壓軸出場，盡顯地位。婷婷透露姪兒Quintus中文名叫謝振南，被問到是否霆鋒與栢芝改，她說：「好明顯係佢哋嘅決定，我都唔係好識中文。（你會否叫佢中文名？）好少，我都希望佢哋講多啲中文，BB好似海綿咁，好容易吸收，除咗我，全屋都係同佢講英文。」

識父母中文名字

婷婷繼又大讚Lucas英文講得好，似足外國人，婷婷又說：「佢雖然講英文多，但識講『我媽咪係張栢芝，我爹哋係謝霆鋒』，同埋識晒全屋人嘅名。」婷婷透露因病，最近甚少探Lucas，至於有否講電話，婷婷即說：「我有次帶佢出街，遲咗幾分鐘，佢即打畀我，講完就收線，又唔講bye bye。」

張栢芝大仔叫謝振軒，二仔改名叫謝振南。

王菀之的黑白中性打扮，自言似指揮家。

另外，鑑於Quintus的出世紙遭雜誌拍下曝光，身在內地趕拍電視劇的謝霆鋒透過助手回應表示不欲多談，但卻呼籲政府，希望能正視事件，言談間暗示覺得自己的私隱遭侵犯。

謝婷婷以嘉賓身份行騷，以打頭陣及壓軸出場。	蔡穎恩（左）與陳嘉寶時常打孖出席活動。	模特兒示範秋冬時裝系列。

王菀之一妻多夫

同場，王菀之、陳嘉寶、蔡穎恩，谷祖琳等睇騷，王菀之以黑白中性造型到場，問她在微博上寫與DJ余迪偉結婚一事，她笑着說：「因為我哋喺巴黎買埋同一件衫。（余迪偉知唔知？）佢有睇我微博，佢冇say yes，但冇反對，咁呢件婚事即係成咗。（咁張敬軒點？）多幾個唔多，一妻多夫，多幾個好幫手。」至於她的中性打扮，她自言覺得似指揮家，被問到會否被誤會性取向，她說：「唔會，我從來都唔擔心，依家好多女仔都鍾意中性打扮。」

文：名人組