林峯冇得抖飛滬試造型
無綫藝人林峯昨日下午戴着頸箍現身機場，表示要到上海為新戲《白蛇傳》試造型，他說：「我仲要去同程小東商量角色，（驚唔驚傷到條頸呀？）應該都會有啲郁動，最擔心要吊威吔，不過仲未知rundown。」稍露疲態的林峯又表示直落冇得抖：「同阿佘仲拍緊劇吖嘛，我昨晚（前晚）開始拍廠景，然後直接過嚟啦！今朝（昨早）又有少少整親條頸，好痛！不過都已經係十年舊患o架啦，我都會盡量小心。」
另外，影星吳家麗亦一臉病容的出現在機場，她說：「我去多倫多參加影展，由香港同法國共同投資嘅《瘋狂午夜》入咗全世界最驚慄嘅十部電影之一，我好開心可以以華人身份去參展，（有信心？）未知呀，都未睇過其他電影，（有冇帶戰衣呀？）有呀！唔密實o架，不過我感冒，變咗病戰士。」她又表示影展後要趕回香港開戲。