劉心悠big爆裙梁詠琪衩住

GiGi和Annie兩代FANCL護膚品代言人，昨日齊齊穿上何國鉦的白色低胸Tube Dress出席記者會，性感又高貴。屬高妹一族的GiGi，雖然穿上低胸裝，可惜因太瘦關係，胸部睇頭欠奉，幸好還有長腿可露，故她特別揀了高衩設計的長裙，盡顯其過人之處。反觀身高輸凸的Annie，僥倖成功增肥兼改窄衫裙營造出上圍逼爆效果，其「湯碗胸」令Annie成為焦點。

以為嘉欣懷Twins

不過Annie否認搶GiGi風頭，其性感打扮全屬「無心插柳」：「我冇谷胸，只係戴咗Bra，我去咗紐約四日，食咗好多炸薯條、芝士漢堡包，肥咗返嚟，加上我怕條裙會甩，所以叫服裝師幫我改窄條裙。」她不忘大讚GiGi又高又靚，是她很欣賞的藝人。

劉心悠谷胸亮相搶「峰」頭。

梁詠琪（左二）與劉心悠（左三）性感打扮出席活動。

問到師姐林嘉欣在加拿大結婚及待產，Annie稱已獲同事告知：「同事話嘉欣『雙喜臨門』，我仲以為佢係懷有Twins添，不過原來係指佢結婚兼有喜。」

她又說未有為嘉欣秘密拍拖感愕然，覺得她只是不公開。問Annie何時結婚？她說已有五年沒有拍拖，雖然有「未夠一打咁多」的追求者，可是尚未遇上她真正的Mr.Right。此外，由於昨有消息指林嘉欣懷的是龍鳳胎，而分娩日期是十一月廿日，記者就此致電林嘉欣老公袁劍偉及契媽潘迪華，但至截稿前沒回覆。

傳統人拒未婚生B

至於GiGi早前被拍得和國際品牌的男性高層會面，她強調和對方沒有可能發展：「因為佢係有家庭o架，個報道失實。」問她可感可惜？GiGi稱不會，因還有不少具條件的男士，只望傳媒給予空間。GiGi又說只知嘉欣結婚不知她懷孕，自問是傳統的女性，覺得先婚後生會較理想。

採訪：音樂組