Jessica C.參戰陳靜迎擊冇底線
早前Angelababy帶隊遠赴澳洲拍攝月曆，宿敵周秀娜亦率領新八模死跟反擊。「警鐘胸」Jessica C.亦有意加入戰團，以量取勝的「百果園咪神」陳靜（DaDa）爆出終極性感，o靚模月曆戰再度一觸即發！
繼暑假寫真戰激鬥完，養精蓄銳的o靚模又再進入作戰狀態，迎接年底爆發的月曆戰。早前擔任品牌Wacoal代言人的JC，昨日再度為廣告拍攝內衣照。據知今次JC參戰是為繼續省靚招牌「警鐘胸」，她說：「我唔係跟潮流做，出寫真係為完成心願，但我唔排除會出月曆。」
DaDa 52個造型
相反，去年「單拖」出月曆的周秀娜，今年會率領新八模出擊，以性感誘惑的DJ造型迎戰。成員Betrys及Rika自知身材不敵師姐，故她們為內衣品牌blablabra行騷後，即以push up bra谷胸造勢。自嘲為「長平公主」的兩女坦言:「用過push up bra就迷上，佢冇Bikini咁麻煩要用缽仔糕，效果好又非常方便。」已有C級的Hidy及Hazel大玩黑色lace誘惑，Mia及Suki則以可愛的粉紅色花花圖案宅男。
同樣出賽的「百果園咪神」DaDa表示會以量取勝，揚言性感無底線的她謂：「希望下個月會飛去台灣影相，今次其實係出『周曆』，會有五十二個造型，而且性感度一定比寫真更激。」其經理人施念慈表示會向日本女星澤尻英龍華及綾瀨遙參考造型，又指由於月曆以實用為主，不會考慮加入3D效果。
型男加入戰團
此外，圈中肌肉型男陳偉霆及何潤東亦有意推出月曆，陳偉霆笑說：「年底出碟，所以可能會出埋月曆，大騷健美肌肉。」何潤東去年已送了不作售賣的私人月曆給fans，今年亦可能會繼續。
文：專案組