林莉拒認金手指：我唔講是非

Rosemary涉嫌藏毒引起各方對模界吸毒問題關注，近日有傳林莉爆料，聲稱曾目擊「名模C」吸毒及聽聞「名模K」有不良嗜好，昨晚她跟莊思敏以性感吊帶裙出席雞尾酒會時，對於早前自己爆料均表示無可奉告，更直言自己甚少去酒吧：「由讀書到工作都好多引誘，（有冇毒品誘惑？）去朋友Party都好少飲嘢，自己唔食煙唔飲酒。」林莉坦言冇見過Model吸毒。至於是否反口？她說：「真係冇見過，身邊都冇聽人講過。（知唔知邊個係「名模C」同「名模K」？）唔知！」

幕前須注重形象

問她是否怕遭人鬧爆才出爾反爾，她說：「清者自清，我一向都唔愛講人哋嘅是非，集中工作。」她又表示自己遇到工作壓力會大喊或找人傾訴來發洩，絕不會接觸毒品，因為做幕前要保持健康形象。

林莉與莊思敏昨午齊齊試新裝，為換季作好準備。

莊思敏不停追問「名模C」及「名模K」所指何人。

同場的莊思敏亦有留意林莉爆料一事，更在後台不停追問林莉「名模C」及「名模K」所指何人，她直言從未有人用毒品引誘她：「我有見過外籍模特兒神志不清，但唔知係飲酒定受藥物影響。」她指若有人向她兜售毒品，她會毫不猶豫馬上舉報！

胸部線條漸自然

另外，昨日林莉跟莊思敏亦有出席又一城「Metropolitan Fashion Week」活動，換了兩套衫的林莉表示已購入多對長靴，為入冬作準備，而由32A升至32C的莊思敏，雖然只以輕微低胸現身，但豐滿身材仍若隱若現，而胸部線條亦愈趨自然。

另外，周秀娜及Jessica C.昨晚被問到吸毒模時，JC指在其他國家曾見過模特兒吸毒，但香港就冇見過，至於有冇受過誘惑？她表示：「我依家22歲，識得分是非，加上我人生好開心，唔需要呢啲嘢。」

周秀娜則表示：「又關我事？都唔會食，幫唔到自己（指減壓），呢啲個別事件，總會有人唔潔身自愛。」

採訪：專案組