Barbie屢敗屢戰搞寸亞姐初試

《2010亞洲小姐競選》將於十一月底舉行，昨日由亞視副總裁（項目推廣及公關）葉家寶、08年亞姐冠軍姚佳雯、06年亞姐季軍韓燕、林韋辰等組成評判團，會見三十五位分別穿上泳裝及便服的面試佳麗，遲些亦將有小規模面試接見因事未能出席的佳麗。三十多位佳麗昨午到亞視大埔總台進行首輪面試，質素可謂慘不忍睹，「甩皮甩骨」但具「膽識」的佔了大多數，當中亦有人「屢敗屢戰」捲土重來，包括數月前在香港小姐面試時與記者鬥嘴的「Barbie姐」，還有「掃把頭Emily」，兩人未能入圍港姐，再來亞姐博一博；另曾於08年參選亞姐的葉泳萱，亦帶同模特兒師妹再次參賽。

自認年輕乜都噏

本身條件不俗的「Barbie姐」在港姐面試時因「寸嘴」而令記者留下深刻印象，被問到是否早前曾參選港姐，「Barbie姐」即以急於補妝為由衝入化妝間迴避。及後在亞視公關安排下受訪時，即施展看家本領，先反問眾記者是哪間報館，並揚言記者敵視她，而整個訪問過程都充滿了火藥味。

「Barbie姐」似乎未有因未能入圍港姐而吸取教訓，竟由無綫「寸嘴」寸到亞視，問她上次因「寸嘴」未能入圍，今次是否應該禮貌一點？她說：「我一直都有禮貌，唔知點解大家要抽秤我，大家要公平啲，（因『寸嘴』入唔到港姐？）唔知，可能我唔合佢哋眼光、標準，（今次有冇信心？）每次都有信心，人生有唔同嘅經驗，失敗都係一種經驗，（仲係繼續『寸嘴』？）年輕人就係咁，鍾意講乜就講乜，我亦唔介意呢個名，你哋諗得太負面，多謝大家畀個咁特別嘅銜頭我。」

葉泳萱曾於08年參選亞姐，昨日性感現身。

Emily亦曾參選港姐，可惜未能入圍，把心一橫再來參選亞姐。

否認結婚拍裸照

至於早前有傳她結婚和拍裸照，「Barbie姐」一一否認，並強調從未曾公開私人資料，只是外界拿了她的相及資料來作揣測或修改。她又明言，今次參選亞姐望重新開始人生的另一旅程。雖然「Barbie姐」勁寸，但因她在這批佳麗中屬高質素，仍有跑出機會。

粗豪 野田妹

細眼 李樂詩

文：影視組