手術醫腳養傷一年 古天樂揸拐杖開工
古天樂早前於北京拍戲腿部受傷，導致十字韌帶斷裂及半月板撕裂，昨日自傷後首度在港公開露面，以推廣大使身份出席「東區Montage獨立電影節」，透露兩星期後將接受手術，估計未來半年也不能拍攝動作戲份。雖然傷勢不輕，但由於古仔一早簽下多部片約，故笑指手術後也不代表可以休息，他謂：「揸住拐杖都要拍，咪拍大頭同文戲囉！要康復大概用一年時間，手術喺香港做。」古仔更表示已接下電影《楊家將》，不過該片連場動作戲，預料要拍攝一段長時間。
唔鍾意做導演
而與鄧一君老友鬼鬼的他，透露十年前為對方拍下一部獨立電影，被問到會否有興趣一嘗短片導演滋味，古仔耍手兼擰頭謂：「我唔鍾意做導演，以前只做過電影《豪情》監製，導演好多嘢要兼顧，一定唔做，（依家興3D！）咁呢啲技術要去荷里活學，長時間摸索先得。」同場擔任活動籌辦委員會主席的鄧一君也有現身，其女兒更專程到來為他打氣。
文：影視組