鍾蕙芝預支五位數善款

鍾蕙芝（Lavina）昨日把出售慈善寫真籌得的三萬元善款捐給流浪動物之家，她說：「本寫真籌得一筆可觀嘅善款，除咗呢三萬蚊，我哋仲會每個月捐五十包狗糧，每月約用萬幾蚊，暫定捐一年。其實總數籌幾多仲未知，因結算要等三個月至半年，所以由我同班朋友預支住先，自己拎咗五位數字出嚟。（你唔係零收入咩？）我有收入架，我有做Part-time design，收入仲多過我做Model嗰時。依家我只會出席慈善活動，唔收錢都唔介意。（同前經理人嘅合約點？）交咗畀律師處理，目前唔方便講。（驚唔驚要賠錢？）自己暫時無違約。（有報道話你出席富豪飯局。）我無。無去過亦都無人搵過。（你前經理人話你有。）我唔會再回應呢個人嘅嘢。」