滕麗名傷腳旺財
滕麗名懶理右腳受傷，昨日照舊穿上六吋高跟鞋夥拍陳柏宇出席店舖開幕活動，她說已受傷一星期仍未有時間就醫，還笑言腳傷相當旺財，明日又起程往內地出席兩個剪綵活動。問她旺財之餘有否帶旺桃花？她說：「冇、冇、冇，不過突然間多咗好多朋友話帶我去睇跌打。（佢哋有意追你？）唔係，我都唔急，下星期又開新劇，都冇時間拍拖啦。（會唔會驚咗？）唔會。」
阿滕接劇會否刻意避開前緋聞男友郭政鴻？她尷尬地說：「唔會喎，唔會特登去避，冇所謂。」同場的陳柏宇直言愛飲涼茶，可惜自己不會煲，將來遇上識煲涼茶的女友必定會加分。