身在泰國的肥媽不知道Rosemary出事，還覺得她唱得幾好，更打算回來後或為她出碟，她說：「佢自己彈結他唱歌架嘛，好似仲出過碟，但冇乜宣傳。因為我喺北京有個時裝品牌有少少份，有搵過佢行騷，夜晚我哋去唱歌，佢都有上台唱，我覺得佢唱得幾好仲鼓勵佢添！」肥媽又謂：「不過如果佢回來要出碟又冇簽到其他唱片公司，我一定會幫佢，佢好乖，唔信佢會吸毒，100%Support佢，如果佢做錯事，我會第一個出嚟幫佢！」
