周汶錡不擔心模界聲譽受損
周汶錡（Kathy）昨日出席護膚品牌活動，提到Rosemary在美國涉嫌藏毒及撞車不顧而去，Kathy說：「我同佢係朋友，我哋識咗好耐，希望佢快啲返嚟、快啲冇事，作為朋友一定支持佢。（打電話畀佢？）唔會喇，唔想騷擾佢。（有冇見過佢有咩不良嗜好？）冇，佢個人嘅嘢唔係好清楚，希望件事盡快解決，唔好影響到佢工作。（唔會影響模特兒聲譽？）唔會，每個人都有自己生活。」
琦琦：要勇敢面對
同行的李嘉慧直言模特兒行業沒有壓力：「模特兒工作係被動，就算你主動都未必接到job，所以要調節心態，時刻準備心情去迎接工作。」名模琦琦則說：「吸毒一定唔可以，啲初入行嘅模特兒新人會視你哋為偶像，所以一定要小心言行，一旦做錯嘢，要誠實勇敢面對大眾。」
另一大陸模特兒曾咏表示，曾於工作上與Rosemary碰面。她自言不煙不酒，又指公司內的模特兒甚少吸煙，希望外界不要將模界定型。
