周四行騷 怕喧賓奪主 Rosemary願意請辭
鄧達智指Rosemary前晚返港，但時裝設計師何國鉦（Dorian）有另一說法。Dorian指Rosemary其實是昨日乘早機返港，昨午致電他報平安，對方亦一早答應出席下周四舉行的善學慈善基金晚宴，行其時裝騷。
Dorian說：「佢驚傳媒將注意力集中喺身上，怕影響活動，希望喺活動前開記招作出交代。佢出於關心，唔係只為自己，所以咁耐以嚟，我都咁錫佢，因為佢心地好，開記招係佢主動提出。佢仲話如果個客驚影響到，佢唔介意唔搵佢做。我哋都希望佢喺心理狀態都ready時候做，總之騷會照做。」
此外，與Rosemary及Juile熟悉的圈中人爆料，指Rosemary曾經在行騷後，到後台與品牌負責人透露未收job錢，負責人堅稱已付款，她即埋怨給了經理人，自己無錢收。最後品牌負責人讓她拿取行騷的衫作為酬勞。