珊珊伊健為BB設基金
林嘉欣與廣告導演丈夫袁劍偉（Steve）喜事成雙震撼娛樂圈，在圈內人緣甚佳的嘉欣更獲好友紛紛祝賀，原來林珊珊早於前晚已收到嘉欣雙喜臨門的消息，她說：「佢老公尋晚（前晚）打畀我，叫我唔使擔心，而且通知我佢哋係結咗婚同埋有咗BB，我聽到消息後真係好開心仲即刻同鄭伊健講，叫佢去日本旅行時物色送畀嘉欣嘅結婚禮物，而我同伊健就會夾錢開個基金畀佢嘅BB做禮物。」問到珊珊可有打算飛到加拿大找嘉欣？她表示太遠，更笑言一人讓一步，叫嘉欣到日本度蜜月才會合。
嘉欣的師傅詹瑞文表示：「真架？好開心，嘉欣一直都想有小朋友，知佢對演藝、生活同人生嘅睇法與眾不同，係一個有理想、勇敢、決心好大嘅女仔。（結婚之後可能唔做戲好嘥？）唔會，結婚之後另一階段，對演戲仲有幫助。」
至於前輩潘迪華一向愛錫嘉欣：「你哋知道咪好囉，應該恭喜佢，祝福佢健康開心，希望大家報道啲健康消息，袁生好好人，亦係非常非常理想嘅丈夫。」而劉心悠及星皓方面則表示不作回應。
