陳嘉容發揮強項教扮靚
名模陳嘉容（Eunis）在模界多年，自然充滿潮流觸覺，早前她獲有線電視邀請主持全新節目《潮流教室》，教一眾女主播襯衫扮靚，以及評論藝人的衣着。日前她為第一集節目錄影，Eunis說：「今次係我第一次做有關fashion嘅節目，覺得好有挑戰性，我好鍾意扮靚，亦好想身邊嘅人靚，佢哋搵我做呢個節目亦係外界對我嘅肯定。」
問到在衫評環節可會不敢放膽批評？Eunis說：「我唔會就住就住，我都係想佢哋進步，係善意嘅批評。」工作愈來愈忙，但感情生活依然交白卷，享受現況的她說：「追都冇人追，約都冇人約，成日都係工作識唔到人，加上依家冇時間拍拖，隨緣啦。」