Amanda S. 搵中田英壽做伴「娘」

待嫁新娘Amanda S.昨日聯同華姐苟芸慧、「萬寧哥哥」沈志明等為ECCO 2010秋冬鞋騷作示範，而陳慧琳（Kelly）則以壓軸姿態亮相，並獲品牌高層送上兩對鞋給她及其兒子蝦餃仔，令Kelly喜出望外，並以鞋扮電話，笑言要打給蝦餃仔。

風水師擇吉日

Amanda表示因為要等風水師擇日，故仍未落實結婚日子，不過下星期她會與未婚夫Christian出發睇結婚場地，地點屬意法國、意大利或西班牙。她稱現忙於擬定嘉賓名單，問她會否請郭富城？Amanda坦言：「唔知，唔想請太多人，我同佢好耐冇聯絡，最多只會請二百人，請嘅都係好close嘅朋友。」言下之意即城城不在嘉賓之列。而提起另一緋聞男友中田英壽時，Amanda反應大不同，爽快地說︰「當然會請佢，佢係我好朋友。（會唔會做伴郎？）唔會，因為佢係我好朋友，係都做伴娘。我想要五個伴娘，人選仲諗緊。」

Kelly暫時撇下囝囝，以壓軸姿態亮相鞋騷。

苟芸慧及沈志明亮相鞋騷搵銀。

蝦餃仔多贊助

至於Kelly表示蝦餃仔已有不少贊助，雖然有不少廣告商邀蝦餃仔出鏡，她認為等囝囝長大有自主權才決定。提到陳奕迅送女兒開學惹混亂，因而決定不再送女返學，Kelly坦言明白對方心情，並說︰「我諗佢怕製造混亂，怕嚇到其他學生。（你會唔會叫囝囝出街戴帽遮樣？）其實唔需要，佢個樣會變，影相唔緊要，係怕嚇親小朋友，我成日都放佢嘅相上Blog。」

文：名人組