Baby獲惡魔欽點東京行騷

據知Baby原定要拍廣告而缺席今年的「Fashion's Night Out」（台灣譯第二屆VOGUE全球購物夜）活動，但時裝雜誌《VOGUE》美國主編Anna Wintour親自欽點，Baby立即將廣告延期，去日本行騷，成為首位行此騷的港模。經理人Kim承認Anna親自邀請，所以不敢怠慢，她說：「Baby會用平常心行騷，知道有村上隆設計嘅產品，都想湊熱鬧逛吓！」

中台日韓同步搞

這個時裝界盛事獲全球十六個國家響應，Gucci、Salvatore Ferragamo、Swarovski和Coach等三百名牌參與。日本、台灣、韓國和內地四大城市將於本周六晚同步舉行。Baby獲邀出席的日本站，於東京青山區表參道舉行，同場還有日本名模富永愛及土屋安娜等十多位日本明星出席，而每個品牌更推出限定版產品，大會設計由日本著名設計師村上隆操刀，設計慈善Tee及環保購物袋。而台灣藝人郭采潔、陳柏霖亦會穿着慈善T恤支持。

昨日Baby出席她首次設計的服飾時裝騷和記者會，穿上黑皮tube top露臍裝擺出誘人甫士卻不慎露「缽仔糕」，期間有模特兒的長皮褲爆呔，場面尷尬。Baby又稱最近忙拍打戲，緋聞男友黃曉明是否好心痛？她笑說：「媽咪辛苦啲！（有冇叫曉明教路？）冇。」

攞報告證冇整容

Baby還自爆月前經由整容醫生驗證靚樣無添加，她說：「我搵咗個整容醫生幫我驗證報告，檢查有冇任何傷口，同埋塊面本身個結構，證明全部都係天然。（點解唔公開？）費事畀人話我做新聞啦，我主要係用嚟告本雜誌，完晒法律程序就會公開畀大家。」

文：專案組