劉心悠唔敢亂講嘢

林嘉欣做事向來獨行獨斷，行蹤一向飄忽。對於嘉欣有傳喜訊，其身邊好友均表現得不大知情。身為同門師妹的劉心悠說：「我只係知佢向公司請咗假期去遊學，所以呢排都少咗聯絡。對於傳聞又未經證實，都唔會回應喇。」而林嘉欣的師傅詹瑞文則說：「我同佢呢排少咗聯絡，不過唔出奇吖，林嘉欣做嘅嘢好多人唔會做，如佢會同公司請假去法國巴黎學戲，佢會自費跟我上堂學戲咁。」好友林珊珊說：「我好耐無聯絡佢，不過佢成日來無蹤去無影o架啦。之前我想同佢合作啲嘢，但佢話將要去遊學，所以推咗。當時佢話想去學染布，話明年年底遊學完畢會再同我聯絡。」