謝霆鋒與關智斌（Kenny）合拍內地電視劇《劍俠情緣》，大隊正在山東取景，栢芝為免與老公分離多時，早前做跟得夫人會合大隊，並客串當「大廚」，與蔡卓妍（阿Sa）及鄭希怡等分擔「家務」。昨日Kenny接受長途電話不禁大嘆有口福：「身邊有美女煮好嘢畀我食，好似阿Sa最叻整雞翼、煮糖水，栢芝擅長整西餐，拿手煮肉醬、白汁意粉，早餐又會整定啲通粉……雖然我同霆鋒有時唔係同組戲，佢哋都好有心，留番啲嘢畀我食。」雖然有口福，因常要拍打戲，不肥反瘦。
有三美女「助陣」，Kenny坦言與霆鋒及英皇新人孫祖揚屬「飯來張口」，食完拍拍屁股就走，連洗碗都不用幫手。他說：「不過我都有付出o架，就係幫佢哋搞掂Wifi囉。」