何潤東如廁慘遭色狼喪瞄
何潤東（Peter）拍廣告拍出「大鵰」來，如此栩栩如生，相信Peter定必引以自豪，但他接受ontv《娛樂onShow》訪問卻坦言，自「大鵰」之名公告天下，即惹來廁所被瞄尷尬萬分！
曾飾演過漫畫主角步驚雲的何潤東，不但擁有一雙麒麟臂及巨型胸肌，原來強大東西多的是，單是一輯內褲廣告，Peter已被好友徐熙媛（大Ｓ）封為「大鵰」，「神話」頓即廣泛流傳。Peter更親臨ontv，接受《娛樂onShow》主持人俞詠文訪問，親述天生異稟也不全然是一件好事，更因此鬧出種種笑話。
好友追問
Peter苦苦地說：「拍完個廣告畀人咁講真係有啲尷尬，好多朋友提起呢件事都會笑，之前真係有少少介意！」他更憶述「大鵰」惹來的禍：「有次去廁所，突然間有個唔識嘅人企咗喺隔籬，當時我聽唔到有水聲，發現嗰個人並非如廁，原來佢係想瞄我！」不認識的人已經如此，認識Peter的人當自然窮追猛問，他說：「有圈中好友特意問我呢件事，超級尷尬，不過唔講邊個喇！」
唔怪曉明
除了「大鵰」外，Peter與內地小生黃曉明因拍《泡沫之夏》傳不和，也曾成為城中熱話，有指Peter原本的角色被曉明活生生奪去，令他大為不爽，Peter卻否認說：「其實我同佢係老友，個角色由佢做都好開心，所以畀佢做囉！」但對於曉明曾於微博指拍《泡》劇感到不開心，Peter坦言這激發了他的負能量：「我睇到後都有啲失落，因為呢套劇係我同大Ｓ嘅夢想，因為佢遲一個月先入劇組，全部人都要等，不過佢咁忙，諗番都唔關佢事！」
文：專案組