羽翹教扮靚挑戰大S

羽翹經常在YouTube分享扮靚及美容心得，成為不少港女的扮靚指南，她坦言自己的網站沒有受廣告影響，所以可以暢所欲言：「我真係覺得好就會讚，唔好就會彈，全部我都親身試過架，依家好多化妝品同護膚品品牌都會寄畀我試。」

出書教港女

羽翹直言想挑戰台灣美容女王徐熙媛（大S）的地位：「大學嘅時候我係讀生物，所以知道好多成分對皮膚好，自己都有睇台灣介紹化妝、美容嘅書同節目，不過好多香港都冇得賣，所以就諗，不如出本啱香港女仔用嘅美容工具書啦！」羽翹的首本化妝書《Girl's Talk》就是如此誕生。

搞到面甩皮

每次都「親身上陣」的她，曾因亂試護膚品出事：「試過有啲有醫學成分嘅護膚品，又美白又保濕，點知搞到塊面敏感又甩皮，連化妝品都唔上，又試過啲化妝品入咗眼，搞到隻眼發炎添！」但羽翹繼續堅持親身上陣，笑言是「信心保證」：「要自己試過最好嘅嘢先介紹畀人，好似我幾個師姐（Freeze）個化妝袋入面嘅嘢，都係我有推介過嘅，佢哋好信任我架！」

羽翹落足心機出適合香港女仔扮靚的書。	羽翹找好友做模特兒示範妝容。	放大圖片

髮型：Jay Yeung@HAIR CORNER

髮型：Jay Yeung@HAIR CORNER

文、攝：盧坤穎