鍾景輝回味教訓練班日子

戲劇大師鍾景輝（King Sir）不經不覺已加入演藝圈六十年，早前他推出新書《戲劇大師》分享多年來在圈中的逸事，曾教導過無數藝人的他，直言這個行頭沒有天才：「但係會有潛質，好似萬梓良、程可為、羅冠蘭，嗰時成千幾人去考訓練班但只係收四十個學生，所以入得訓練班嘅都有優點。」
鍾景輝出書分享多年來在圈中逸事。
鍾景輝出書分享多年來在圈中逸事。

教演戲教足三十九年的King Sir雖然已經退休，但提起教書的生涯他仍然津津樂道：「經常接觸啲年輕人，自己都覺得有活力咗，而且教書會令你不停學到新嘢，知道個世界發生緊咩事。」King Sir坦言近年愈來愈多藝人參演舞台劇是好事：「尤其喺唔夠觀眾嘅時候，可以作招徠，最少引到觀眾接觸舞台劇先，可以有自己嘅觀眾已經係某程度上嘅成功！」

黃秋生（左起）、蘇玉華、張達明、歐錦棠撐鍾景輝（中）出書。
  • 黃秋生（左起）、蘇玉華、張達明、歐錦棠撐鍾景輝（中）出書。