周柏豪曾遭打壓禁激凸

模特兒出身的柏豪台型十足，新碟造型更是一大突破，僅穿上Leggings玩激凸，盡現型男本色，充滿誘惑，跟初出道時的陽光男孩大相逕庭，柏豪笑說：「唱片公司以前唔畀我着到標奇立異，連窄身牛仔褲都唔畀着，我都有為呢啲事唔開心過！」

謝絕窄身褲

當年柏豪以一身藝術家造型跟唱片公司人員會面，他表示：「好記得自己一身黑色，又留咗長頭髮、留鬚，成個藝術家咁款，諗起佢哋望我嘅表情都好笑。」簽約後公司要他徹底改造，要他做個乾乾淨淨的陽光男孩，低腰褲、窄身牛仔褲統統不准着，更勿論是標奇立異的裝束。

新碟造型僅穿Leggings玩激凸的柏豪Man爆。

模特兒出身的柏豪甚有台型。

阿婆催結婚

柏豪稱：「因為公司覺得一個新人，形象要做到易入屋，唔想我扮型咁，可能我個樣比較招積！」

變身型男的柏豪迷倒不少女性，但單身的他感情未有着落，他笑說：「阿婆最心急，話畀錢我結婚擺酒生仔，我咪同佢講『唔係畀錢就得，都要有人同我搞先得』。」雖然柏豪有很多女性好友，但他直言不會從中「覓食」：「同friend拍拖唔得，好似同細妹、家姐咁怪，好核突囉，我鍾意啲唔識嘅，追番嚟拍拖感覺都浪漫啲！」

文：音樂組　攝：李伯儒

場地：La Brasserie@Gateway Hotel

Hair：Cliff Chan

Makeup：Kris Wong