鐘浠文為峯狂伴舞唔收錢

有「翻版徐子淇」之稱的鐘浠文，早前與師妹湛淇清、徐自旋和曾紫欣為林峯演唱會演出，雖然四女在台上亮相十分鐘，但已令她們「深愛」林峯，她們說：「我哋唔係專業舞蹈員，導演想搵幾個高大嘅女仔，所以揀中我哋，一聽到可以與林峯同台，真係唔收錢都制，上年佢開演唱會，已經覺得好好睇，點知今年可以跳埋一份，完全感受到嗰份感染力。」

講鬼古突爆燈

身為「大師姐」的鐘浠文去年已為林峯演唱會演出，問到對對方的感受，她說：「初初覺得佢好cool，排舞都唔多出聲，但之後喺一個活動場合見到佢，佢竟然主動埋嚟打招呼，先覺得係一場誤會。」

台上火辣辣，怎料她與師妹在後台卻發生恐怖怪事，她說：「我哋晏晝綵排完，幾個女仔就好無聊喺化妝間講鬼古，當我哋經理人講到關於一個酒店故事，點知房內嘅光管突然爆開一邊，嚇到我哋死。」

四位師姐妹各有各靚，輕易被點名成為「峯女郎」。

四女直言不收酬勞也甘願與峯共舞。

讚鍾嘉欣合襯

新加入模特兒行列的湛淇清、徐自旋和曾紫欣，原來同是在外國長大，因此零舍合拍，對於可為林峯伴舞，她們說：「我哋喺外國都有留意佢，佢好靚仔，又識唱歌跳舞同做戲，喺台上嘅吸引力更加大。」其中來自美國的湛淇清更直言想成為他的女友，她說：「好想，（佢有緋聞女友鍾嘉欣？）咁好可惜，不過佢哋都真係好襯。」

徐自旋與曾紫欣同在外國長大。

曾紫欣

文：呂曉風　攝：沈健程　 場地：Clifton Leung Design Workshop