安仔打頭陣行騷

許志安昨晚以模特兒身份為Harvey Nichols行騷，打頭陣的他只穿了一套服飾坦言心情緊張：「我兩、三年前做過模特兒行騷，但我有獨立房換衫。」他否認消瘦許多，只稱跟以前演唱會時的體形差不多：「唔keep住就有啲歌衫着唔到，唔係為情消瘦。」對有雜誌指他形象差令工作量減少，甚至年尾更出碟無期，他沒好氣地稱每年有碟出：「唔需要回應，大家有眼睇，我keep住都有工作，年尾會出碟。（因感情問題會少唱情歌？）作為歌手乜歌都會嘗試去演繹，我嚟緊有首新歌係關於光纖之父高錕。」他又讚容祖兒被指是歌星仔亦不介意，表現有大將之風。