Amanda S.騷兩卡鑽戒出年嫁
混血女模Amanda S.曾揚言與男友不結婚便分手，其意籍男友Christian「唔襟嚇」，乖乖向她求婚，昨晚Amanda甜笑宣布與男友經已訂婚，還大晒手上的兩卡訂婚鑽戒，同場另一美女范冰冰不談戀事，惟有穿露背裝爭回分數。
早前宣布不婚便分的Amanda S.，昨晚單拖出席Moiselle「The Scream of Nature」2010秋冬時裝展，自爆三周前已跟男友Christian訂婚，並正計劃明年在外地舉行婚禮，看來Christian相當不襟嚇！她甜笑說：「日子未定，媽咪要睇風水，會喺香港簽紙先，再去第二度搞，兩周後與男友去歐洲睇場地，但唔會再返香港搞，亦唔會咁快生BB。（男友點求婚？）男友同我講叫我8月12日放假同佢去旅行，我有嘢做但佢唔肯遲幾日，最終我哋去咗意大利一個小島，喺小島嘅私人沙灘睇流星，到凌晨一點半我見到兩粒流星時，突然有兩個人拎住結他唱情歌，呢個時候男友就拎咗隻戒指向我求婚。」她續說當時只懂哭，連「Yes」也說不出來。
范冰冰赴韓拍戲
穿露背裝的范冰冰透露剛從西藏返港探望心臟病童，雖有高山反應而每晚要吸氧氣，但對行程大感有意義。稍後她將往韓國接拍導演姜帝圭執導的中日韓電影《My Way》，與韓星張東健和日星小田切讓比較演技：「我學韓語只係很短時間，不太懂得溝通，如果談戀愛用不上，（接受韓男追求？）韓國男演員好專業，好欣賞導演，他年輕有為，（想打入韓國市場？）角色好好，好鍾意。」另外，曾不咬弦的陳志雲和藝員王賢誌，昨晚同場並大方合照，但沒有傾偈，王賢誌說早已學識放下；陳志雲指王賢誌為人友善單純，自己則從沒與人不和。
文：名人組