伍詠薇歎天下第一廚盛惠5,000

去年伍姑娘結婚十周年，包下餐廳與數十位至愛親友一同慶祝，原本今年打算靜靜度過，誰知N年前預訂的西班牙著名餐廳竟然覆實她的預訂，她才與老公及兩對朋友計劃行程，順道慶祝結婚十一周年紀念。

每人使十幾萬

伍姑娘說起此行仍然興奮：「為咗去西班牙捧呢個天下第一名廚主理嘅餐廳，食一餐每人五千幾元嘅晚餐，不如坐埋頭等啦，去埋巴黎、米蘭啦，結果使大咗，每人使咗十幾萬！」不過對於名廚主理的那頓共有卅五道菜的晚餐，喜歡中國菜的伍姑娘只覺味道不錯，食物的設計心思則攞滿分，還是覺得值得。

為了「止血」，伍姑娘笑言惟有減少購物，名牌手袋沒有買，反而在西班牙買了不少出名的火腿回來做手信：「全程盡情咁食，而且去到邊啲人都知我哋結婚周年紀念，所以收到唔少香檳、朱古力等禮物，又係食唔停。」

伍姑娘參觀朱古力精品會，大開眼界。

伍姑娘走上西班牙Casa Mila天台，飽覽腳下美景。

坐飛機食唔停

向來大情大性的伍姑娘從不掩飾心情，她覺得能及時行樂最幸福，難得與最愛的人一起享樂，所以盡情享受，就連在回程飛機上依舊大吃大喝，結果肥了不少回來，幸好她已暫停幕前演出，專心搞她的美容生意，正好用自己代理的瘦腳用品，將自己還原靚靚。

文：影視組