吳雨霏夾Band天賜眼福

一個女仔四個Band仔會有甚麼事發生？不要諗得太複雜，其實很簡單，就是要做Bandsound音樂。可是要Kary逼在Band房，眼光光睇住Hardpack四子Joseph（結他）、Adam（結他）、Kevin（鼓手）、基仔（Bass）穿上Boxer周圍行，認真「非禮勿視」。

Kary坦言四子根本沒當過她是女孩子，加上已習慣了這種工作模式，所以不覺有何不妥：「佢哋真係冇當過我係女仔o架，無論講嘢定行為都同平時一樣，不過冇所謂啦，大家都係玩得之人，反而覺得佢哋着住條Boxer幾搞笑，可能係上天畀我嘅恩賜啦！哈哈！」

Hardpack在Band房無拘無束，愛穿Boxer四圍騰。

眾人齊聲希望香港樂壇百花齊放。

音樂理念接近

Kary表示，因為自己喜歡Rock Music，從Hardpack身上也得到很多啟發，最緊要是大家夾得來，她說：「講真我覺得佢哋同我嘅音樂理念好相近，大家都覺得香港樂壇應百花齊放。」

談到是否藉着與Hardpack Crossover而帶給樂迷多個選擇？眾人齊聲說：「都可以咁講，不過我哋做嘅只係一個小小project，好難改變到啲乜，希望大家同心努力去做好音樂就得喇！」

文：專案組　場地：奧海城