陳偉霆表現周慧敏讚掂

周慧敏及陳偉霆在許鞍華執導的新片中有場一夜情戲份,令陳偉霆緊張得要前一晚抖足精神,養精蓄銳床戰兒時偶像,幸好事後獲讚表現好!

由金像女導演許鞍華執導的新片《得閒炒飯》,請來影后吳君如及久休復出的周慧敏(Vivian)坐鎮,兩人飾演一對戀人,甚有噱頭!而Vivian亦與陳偉霆(William)發展一夜情,提到該場戲,Vivian說:「呢場戲幾好玩,完全唔色情,套戲係講愛同承諾。」

儲齊閃卡

William坦言一直視對方為女神,兒時已有儲她的閃卡,當知道有親熱戲時即大為緊張,問到有何準備?他說:「之前一晚專登早瞓,等自己精神啲!好在導演講得好清楚,仲示範埋啲動作,真係難為佢!其實之前試戲都要攬Vivian,我硬晒軚,大家都叫我放鬆啲,Vivian仲話『你唔好當我周慧敏就得啦』!」

闊別影壇十三年的Vivian則表示對拍戲仍有陌生感覺,故拍情慾戲時難免尷尬:「不過我唔想NG,所以都放開嚟拍。(老公有冇監場?)冇,佢話我得就OK。」對於William的表現,Vivian讚不絕口:「佢好有潛質,一見到佢就感覺佢好啱呢個角色!」

唔恨攞獎

Vivian表示今次「復出」全因劇本及班底吸引,但她否認將全面復出:「唔好咁講,唔想大家有太大期望。」提到獎項,她顯然毫不在乎:「最緊要享受過程,表現自己最好一面。」William亦不恨攞獎,反而希望電影可參展,到各地增廣見聞,Vivian即自爆有「紅地氈恐懼症」:「要搵衫搵珠寶好煩惱,去到又好似同人比併咁,唔覺得過癮!」

文:影視組 攝:沈健程 場地:Lanson Place Hote

陳偉霆服裝:adidas 化妝:Khaki 髮型:Davy@Chin.G

周慧敏服裝:Patrizia Pepe