夢夢想隆胸 Yumi：咪望住我
童星出身的戴夢夢，天生一副童顏，她慨嘆只有童顏卻沒有巨乳，更自爆曾有隆胸的念頭，在旁的尹蓁晞（Yumi）突然向夢夢說：「咪望住我。」
戴夢夢、趙碩之和Yumi結伴出席護膚品牌活動。童星出身的戴夢夢天生一副童顏，多年來沒有太大轉變，有長不大的感覺，但她卻說：「係有童顏但冇巨乳囉。見到莊思敏、趙碩之都咁好身材，自己都有同媽咪、男友商量過隆胸，但男友覺得唔係咁好，佢鍾意自然啲。佢又擔心我整完會成日着低胸衫，佢唔鍾意我派米。」
真材實料有眼睇
夢夢言談期間不時眼尾望着身旁的Yumi，令Yumi不禁開腔說：「咪望住我！」問到Yumi會否擔心被懷疑「僭建」？她說：「唔會，我有張十九歲着泳衣嘅相流傳緊，身材點樣大家都睇到。」她還表示不滿意自己身材，見到趙碩之更覺自卑。
趙碩之乳液護胸
趙碩之透露亦有用豐胸乳液護胸：「以前唔識咁多，唔知地心吸力嘅嘢，依家先識得好好保養。」她透露現在忙於特訓高難度動作，她說：「好似跑上牆再打觔斗咁，成對腳都瘀晒。（身材好唔方便？）諗住着鬆啲嘅衫，但又怕走光。因為同兩個男仔一齊做，都有啲尷尬。」
文：影視組