周秀娜4D激凸 Baby難逃魔爪

o靚模寫真完戰後，沉寂多時的o靚模近日又開始蠢蠢欲動，展開新一輪的月曆戰！「o靚模始祖」Angelababy已飛抵澳洲開始拍攝，而勁敵周秀娜（Chrissie）當然咬住唔放，笑言今次要憑4D出位！
周秀娜今次會預埋一眾師妹迎戰。（資料圖片）
周秀娜今次會預埋一眾師妹迎戰。（資料圖片）

一班o靚模今年可謂相當忙碌，鬥完寫真又要鬥月曆，為配合靚人靚景，Baby跟同公司的模特兒熊黛林（Lynn）、楊汀叮等已率先飛抵澳洲進行拍攝，Baby跟汀叮前日更把花絮相上載到微博，讓粉絲先睹為快。Baby更在其中一則微博留言指自己「被非禮」，原來「元兇」乃一隻可愛的樹熊，笑言牠已「非禮了同行的好多人，大家都逃不過他（牠）的小魔爪！」而相中抱着樹熊的Baby竟露出「離奇事業線」！

DaDa積極減肥備戰。（資料圖片）
  • DaDa積極減肥備戰。（資料圖片）

預埋師妹團

Baby勁敵Chrissie當然窮追不捨，繼上年推出半裸月曆後，今年月曆會以DJ造型現身打碟，更預埋同公司的MonsterBeez及新八模，實行以人多取勝，Chrissie笑言：「今次個個激凸！（有冇3D？）3D過晒時啦，我哋今次玩4D！」

妄攝女再撕

「百果園咪神」陳靜（DaDa）及一班「妄攝女」今次亦會加入戰團，DaDa的經理人施念慈表示DaDa會擔正其中一個月曆，而另一個就由旗下十個o靚模一起拍攝，每人兩個造型，其中一個大玩誘惑：「DaDa努力減緊肥，希望可以維持Cup數唔變，（性感度？）一定爆過寫真！」而妄攝女未知是否「撕上癮」，她們撕完寫真後，年尾即將推出「手撕月曆」，務求以另類方式上位！

文：專案組