【李潔珊新加坡直擊】美國唱作女新人Diane Birch去年推出處女專輯《Bible Belt》，月初她參加新加坡SingFest音樂節時接受香港傳媒專訪，大談新碟創作靈感。
去年出道的Diane Birch憑着獨特打扮跟聲線火速走紅，作品被指媲美艾頓莊及Karen Carpenter。除了新加坡外，她已到過日本及韓國演出，她說：「日本Fuji Rock音樂節係我參與過最好玩嘅騷之一，雖然當日好熱，大家都流晒汗好惡心，但氣氛同群眾真係好正！」她又指跟美國相比，亞洲粉絲更真誠及用心欣賞音樂。
Diane包辦新專輯《Bible Belt》的曲詞，內容講述她的成長及轉變，她指碟名總括了這一點：「我喺好篤信宗教嘅家庭長大，曾覺得宗教係我一切沮喪嘅源頭，就好似條皮帶咁束縛住我，自己變得好反叛，仲開始遠離佢。」但創作這張專輯時竟跑出了很多聖詩、天使等元素，可見宗教始終深深影響着她，家人亦很支持她。
因為家庭背景關係，Diane到十歲為止也只能接觸古典音樂、歌劇及聖詩，當開始聽流行音樂時，無論是跳舞音樂、Hip Hop抑或電音、Funk等令她愛得一發不可收拾：「所有音樂都能影響我，開始創作時我決定放開自己，結果出嚟嘅作品有美國七十年代音樂嘅味道，披頭四、滾石等六、七十年代樂隊對我呢張專輯影響最深，好佩服披頭四、約翰連儂能將複雜又得意嘅題材化成簡單、易引起共鳴嘅歌詞。」
身為創作人的Diane不常寫作，但笑言一寫歌就會進入瘋癲狀態，所以創作時往往會把自己一個困在家，以免嚇親別人，她又指晚上的靈感會特別澎湃！