潮流達人余文樂日前穿上I.T為內地時裝雜誌拍攝，被冠做型男，阿樂說：「唔好咁講，我只係鍾意研究時裝，去唔同國家必定會買本時裝雜誌，身邊又好多朋友愛好時裝，聚埋一齊多個話題。」貪靚的阿樂被同事笑他姿整，他笑說：「係職業需要，我鍾意乾乾淨淨，着衫係睇啱唔啱自己，唔會盲目跟隨潮流。」
阿樂喜歡簡單的服飾，尤其鍾情沉色系列，近年有不少名牌贊助的他說：「寧買心頭好，鍾意嘅我都會買。」女性愛買手袋同鞋，阿樂都一樣，他笑說：「我鍾意買帽及鞋，波鞋多到塞爆。」曾經扮過女人的阿樂，今次也有穿上百褶裙拍攝，他覺得是一種fashion，他說：「梁朝偉着裙最有型。」
阿樂剛在北京當選由孩子們選出的「最最喜歡的男演員」，能夠打開小朋友巿場，令他開心不已，阿樂曾奪韓國富川影帝，有指他大可憑《志明與春嬌》爭奪香港影帝，他說：「能夠拍到一部好戲已經好滿足。」
圖片：L'officiel Hommes