莊思明呻窮日日逼巴士
近期網上熱話「四眼陰公男」寸人「你要搭巴士呀，真陰功！」後被網民狂插。其實坐巴士又怎會有失身份呢，拿督老竇身家億計的香港小姐季軍莊思明自爆，每個月得四千幾蚊使，平日出入貝沙灣豪宅都是坐巴士。
新一屆香港小姐冠軍陳庭欣和季軍莊思明得獎後被網民評價為終極醜女的「豬扒」級別，「孖寶」被罵得體無完膚，後來事件更登上國際新聞，三位應屆港姐冠軍陳庭欣、亞軍張秀文和季軍莊思明接受專訪，陳庭欣表示：「有啲批評真係好唔客氣，如果親耳聽到會好hurt，不過都係小部分人，都有支持我哋嘅人，無可能要人人認同，好彩都有人讚我真人比上鏡靚，自己都要識諗睇開啲，唔好嘅都要睇，會睇番兩三個好嘅評語，令自己舒服啲唔會亂諗嘢！」
被嘲豬扒哭崩堤
性格直率的莊思明形容自己並不漂亮，當然也不是醜八怪，她說：「當時都要逼自己睇晒負面新聞，要睇到麻木，原本冇乜嘢，但家姐一句關心說話，就令到我好似決堤喊到一發不可收拾。」
近期網上熱話「四眼陰公男」寸人搭巴士好陰功，原來馬國拿督千金莊思明平日都是以巴士出入豪宅，她笑說：「其實媽咪畀好少錢我使，阿媽覺得要使得多就要自己搵，就算過時過節想買個袋，都要睇吓佢心情好唔好，家姐莊思敏都笑我得四千幾蚊使連工人都不如，屋企係有司機，但得閒先載我哋，所以平時都唔敢坐咁多的士，盡量都要搭巴士。」
張秀文力撐姊妹
唯獨未被捲入漩渦的張秀文執言為姊妹平反說：「我覺得大家都靚，唔係網友所講嘅豬扒，只係有傳媒將小部分人嘅意見放大咗，令件事負面咗，惟有當支持鼓勵，咁樣人先會有進步。」
採訪：影視組
攝影：劉智源
服裝：Ted Baker
場地：Union Bar & Grille