DaDa嗲冧「阿媽」施念慈

今集《娛樂onShow》請來陳靜（DaDa）及蔡瑩瑩（Ivy）亮相，兩位o靚模分別以Tube Dress及Deep V背心短裙現身，獲主持人俞詠文大讚夠養眼！今年DaDa在芸芸o靚模中表現突出，曝光率甚高，但她謙稱仍有不少缺點尚待改善；至於Ivy則說：「要睇遠啲，o靚模嘅工作範圍窄，將來一定要有多啲發展先至生存到。」她笑言正物色Push Up胸圍代言工作。

團結一心

DaDa及Ivy同為施念慈（Celia）公司旗下模特兒，兩人對這位經理人讚不絕口，DaDa更指對方像媽咪般照顧自己：「佢好多時都為着乜衫出活動操心，有時又會驚着得太性感出嚟反應唔好。同埋佢事業心重、好勤力，推動到我，知道好多嘢係要自己爭取同努力，機會係留畀有準備嘅人。」她又表示Celia令公司的氣氛變得像大家庭一樣，很團結！問到Celia會否鬧人時，Ivy即搶着說：「佢可以好嚴肅，但唔會鬧人，咁耐都冇對我惡過。」DaDa亦搭嘴說：「佢絕對唔惡！」兩人又笑指Celia聲線太溫柔惡唔出樣，更齊齊扮對方的嗲聲，場面爆笑！

Ivy（右）大讚DaDa身材勻稱，性感中洋溢健康。

Ivy及DaDa互相鼓勵，對前途充滿信心。

知己知彼

今年o靚模「寫真戰」已圓滿結束，有份參戰的DaDa直言有睇其他o靚模的寫真：「梗係要留意敵方，好多都影得好靚，周秀娜嗰本冇令大家失望！」就連曾與她隔空互罵的楊梓瑤（Carol）的寫真，她亦未有放過，問到會否覺得對方的寫真似鹹書時，DaDa笑說：「我覺得唔係，都經過咗淫審處審批，不過就算係我都睇得，我夠十八歲啦！」

文、攝：專案組