楊思琦開心練戲密食增磅

楊思琦首度參演舞台劇，將與焦媛、歐錦棠和李潤祺合演一齣七十年代的懷舊音樂劇《情場如戰場》，他們每日要排舞練戲近八小時，但由於思琦的左踭曾經受傷，所以不能夠穿高踭鞋排舞，她說：「好佩服焦媛，每日都着住三吋高踭鞋嚟練習，但我就擔心自己頂唔順，怕未正式演出已經腳軟，惟有一步一步嚟，着住對波鞋嚟練習先。」雖然體力消耗大，但思琦卻意外增磅，她解釋：「一班人每日見面，好似讀書返學咁開心，練習完後又會一齊食嘢，可能太吸收，所以肥咗。」
增咗磅的楊思琦，仍然輕易被歐錦棠抱起。
增咗磅的楊思琦，仍然輕易被歐錦棠抱起。

舞台經驗豐富的焦媛亦覺得今次演出是一大挑戰，她說：「今次除咗要唱好多懷舊歌之外，仲要跳探戈、肚皮舞等，要顧好多瓣，好彩唔使減肥，因為跳肚皮舞要有少少肚腩先靚。」而歐錦棠自從發現患有白內障後，轉型向舞台劇方面發展，他說：「今年參與咗七個舞台劇，今次係飾演一個大情聖，有思琦暗戀我都覺得好開心。」

左起：歐錦棠、楊思琦、焦媛和李潤祺首次緊密合作。
  • 左起：歐錦棠、楊思琦、焦媛和李潤祺首次緊密合作。