區瑞強作歌輕鬆撐粵語
有「田園歌王」之稱的區瑞強（Albert）將於下月初舉行音樂會，每次都會搞新意思的他，今次將加入電台元素，他會身兼歌手及主播兩職，並與嘉賓湯寶如及陳德彰合唱多首經典名曲：「我仲請嚟幾位電台好友大玩棟篤唱，講吓生活同時事，其中一Part係關於撐粵語，我仲專登作咗首歌聲援廣東話！總之令觀眾輕鬆咁離開。」
對於時下歌手的歌藝屢受批評，Albert語重心長地說：「新人有機會就應該珍惜，不過佢哋有太多嘢分心，好難專心唱歌，而且好多後生仔女都掛住玩。」靠靚聲搵食的Albert當然重視養聲之道，他說：「保護聲帶好緊要，唔好亂嗌，同埋要識運氣。飲食方面就唔好食辣嘢同油膩嘢，我比較特別，鍾意飲普洱茶。」