張兆輝抵得諗耍冧氹女人

張兆輝最近於電影《得閒炒飯》首嘗演喜劇滋味，夥拍搞笑能手吳君如合演情侶，今次乃繼十多前合作劇集後，首度於電影結緣。雖事隔多年，但兩人卻一見如故，即使拍咀戲亦沒有半點忸怩，張兆輝更指君如依舊健談，唯一不同的是，兩人已分別結婚，故於鏡頭後會大談家庭樂事，相處融洽。

係女都要氹

談到片中講述他打太太，繼而邂逅君如飾演的律師，問到現實生活會否接受打女人的男人?張兆輝笑謂:「邊個家庭唔會發生呢啲事先?只係在於應唔應該，喺我角度係唔可以打女人，有時同老婆意見不合嗌交，佢一定轉頭走，其實都好，因為有時間畀大家冷靜，咁通常最後都係我氹番佢先，係女士都要氹架啦!」而角色亦有不少露骨對白，張兆輝坦言當初收劇本時，亦不知道如何演繹，幸而正式拍攝時，於君如帶動下順利完成，他謂:「嗰段戲係好自然咁講，過程好笑嘅，絕對唔會覺得係刻意，程度大致上係兩公婆平時收埋喺房度講嘅嘢拎出嚟講啫！」

搞笑未入流

對於今次轉型，張兆輝自言骨子裏有喜劇細胞，不過相對於「喜劇之王」周星馳來說，當然絕不入流，問到拍攝時有否忍不住笑而NG？張兆輝謂:「我就冇，不過導演成日睇完Playback就係咁笑，我覺得自己啱啱做到要求啦!」

文:影視組

攝:沈健程

場地:Termini Tea Yard