余文樂潮選高檔傢俬

余文樂近年歌影兩忙，荷包腫脹的他去年已換車換樓，「升呢」進駐月租六萬元的半山豪宅蔚皇居。最近樂仔更趁樓價回落購新居，早前他已多次與設計師會面，傾談裝修事宜。而前日樂仔趁未有工作在身，即前往中環的貴價傢俬店，為新居添置家具。

細閱介紹書

當日下午五時許，樂仔驅車到達中環後，身為潮人一族的他，下車後即急急腳前往一間潮人至愛的高檔傢俬店，入店後即與職員打招呼，似乎是熟客。其後樂仔還拿起傢俬的介紹書來細閱一番，之後便往挑選梳化及書櫃，期間樂仔對一張淺色的梳化情有獨鍾，見他研究一輪後還多次向女店員詢問，睇完梳化後他又往揀書櫃，還着店員為他量度書櫃的尺寸，足足於店內逗留了半個多小時才見他離開。

樂仔向店員詳細詢問。	余文樂細閱傢俬介紹書。	余文樂對書櫃甚感興趣。

想有安樂窩

樂仔之後又於附近商場行逛，但卻沒有大斬獲，見他往購買飲品後即往取車，並會合友人一同離開。事後聯絡上樂仔，提到買新樓一事，他說：「私人事唔答喇。」至於頻頻與設計師會面及揀傢俬，他說：「我幫屋企人睇啫，其實我平時都鍾意睇傢俬。（你睇嘅全是貴價傢俬？）做嘢咁辛苦，梗想返到屋企舒服啲啦。」

文／攝：追蹤組