陳奕迅心情靚high到爆粗
陳奕迅（Eason）、新加坡歌手蔡健雅及大陸「超女」張靚穎昨晚齊演出假會展舉行「新城極唱音樂會」。Eason穿上骷髏頭圖案運動裝示人，加上蓬鬆的高髮型相當突出。心情大好的他問fans：「我係咪瘦咗呀？瘦到剩番棚骨？」有fans大讚他靚仔，他即答：「靚仔咩？好多人幫手先有呢個造型出嚟，今日呢個頭係假o架！」
Eason和打頭陣的張靚穎合唱完英文歌後，他就以前輩尊稱介紹露雲娜出場合唱。他大讚露雲娜入行廿三年靚聲從沒變，被狂笠高帽的露雲娜謙說：「唔敢當。」之後Eason和蔡健雅合唱英文歌時，他唱到興起時爆英文粗口。
身穿皮背心襯leggings、高踭鞋的張靚穎，除了勁歌熱舞外，以「海豚音」聞名的她，以超靚高音唱出英文歌《Loving You》時，全場掌聲雷動。