祖兒陶瓷女神搬入個唱
樂壇天后容祖兒（Joey）明日將推出全新EP《2010空港》，唱片封套上Joey以優雅清純形象示人，設計師更找來意大利新進的陶瓷概念衣飾配合，化身古希臘女神的Joey說：「好鍾意呢個造型，好似High Tea用嘅陶瓷器皿咁，好優雅，一路都有留意呢種服飾，希望我嚟緊嘅個唱都搵到適合嘅着嚟表演！」
除靚樣外， EP歌曲創作陣容亦重金打造，當中包括陳輝陽、黃偉文等，連Joey亦難以取捨最能觸動她的一首歌：「好難揀，每首歌都用咗無數心機同時間去完成，但最難忘一定係《破相》，因為每次錄都喊，係我有史以來喊得最多嘅一首歌，希望唱Live控制到啦！」此外，與Edward Chan合作的《星圖》就找來小克作詞，Joey說：「小克以我鍾意玩砌圖嘅靈感注入歌詞，仲以砌圖喻為我嘅人生，寫得好貼切！」
