張燊悅老公陪生唔緊張
張燊悅臨盆在即，昨日與汪圓圓一同出席apm的「城市潮流文化」慈善活動，張燊悅表示下月初為預產期，將選擇自然分娩，不過是仔還是女就不肯透露，問到為何還現身公開場合？她說：「依家已經九個月，我都係今朝先決定嚟，未入醫院咪過嚟囉，其實前兩日先痛完，（緊唔緊張？）唔緊張，老公都會陪入產房，（老公有冇送啲乜嘢畀你？）我哋講心唔講金。」談到內地有疑似毒奶粉，她表示聽有關報道都感到心痛，因此她會選擇餵母乳或有機奶粉。
同場的汪圓圓就透露近日跟戲劇大師Philippe Gaulier學戲，笑言也有被惡師傅鬧過，記者問她何不向姐夫甄子丹拜師？她笑說：「同佢學功夫好啲，不過佢好似唔收徒弟，我都要諗辦法做佢第一個徒弟。」
