周秀娜迎戰JC拉筋爆痛
周秀娜跟Jessica C.（JC）、傅穎等演員合作新戲，身為第一女主角的她，為了以最佳狀態示人，不時上堂練功夫，認真學習，單單拉筋都拉到嗌爆全場，被工作人員笑「史上最強」！
周秀娜工作檔期排得密密麻麻，但為在新戲《熱浪球愛戰》迎戰傅穎與JC，都不敢偷懶，頻頻到楊盼盼開設的「煇煌電影動作訓練．創作室」練功夫，跟動作導演葉永健及導師學習，而她練習時甚專心，單單拉筋都拉到出晒汗，不過，她無叫停不特止，仲非常投入，不時俯身做些高難度動作，其中，一個動作要劈髀拉大髀內側的筋，周秀娜痛到大叫，被工作人員取笑「史上最強」！
有運動精神咗
事後周秀娜笑言在拉大腿內筋的時候，真的痛到不得了，她表示：「每次做呢個動作都痛到好似撕裂咁，嗌到拆天，啲工作人員話未試過有人嗌得咁大聲，（又要開工又要練功，咪好辛苦？）都唔會，仲精神咗，因為平時少運動。」
暴曬皮膚變黑
《熱》片開鏡時，有指周秀娜與傅穎連成一線，冷落JC，周秀娜坦言跟傅穎很早便一起練習，相處時間比較長，自然會較為熟落，不過，周秀娜都覺得JC是一個很不俗的女仔。
周秀娜接了新戲後，皮膚明顯黑了不少，她有承認，還表示：「依家我公司啲同事成日叫我做菲律賓人，都唔明點解傅穎曬極都唔黑，我拍完套戲都要搵美容院做全身漂白，又或者全身浸下漂白水。」
文：影視組