小天冧女做阿四輸畀吳家樂

吳家樂、錢嘉樂、郭富城、張智霖、朱茵、劉心悠等昨雲集上海國際賽車場，參與慈善籌款活動，共籌得五十萬人民幣的善款。賽事結果由吳家樂、錢嘉樂及郭富城順序名列三甲。「車王」吳家樂表示自己相當好彩，抽排位第一，結果由頭帶到落尾，而城城則慨嘆自己今次落場，沒有天時地利：「架車性能唔得，好彩我發揮優秀賽車手精神，永不放棄。」他更一度用車擋後來的阮經天前進，雙方車輛發生輕微碰撞，最終小天以一秒之差敗給城城。而小天被傳今次帶同女友許瑋甯同行，但昨日所見，他全程只照顧隨行的女粉絲，許瑋甯則未見蹤影。

小天的車輛有被撞過的痕迹。	自言行運的吳家樂由頭帶到落尾勝出。	放大圖片

ChiLam屁股開花

賽前自言「未嘗一敗」的ChiLam，最終只獲得男子組第六名的成績，事後即急步離場，趕往機場飛返香港。他接受電話訪問不禁謂：「我依家改名叫做『未嘗一勝』囉。第一次賽車，都滿意成績，如果唔係心悠喺後面撞一撞我，可能會再好啲。冇辦法啦，可能佢知我農曆生日，所以咪錫吓我屁股囉。」談到生日願望，ChiLam有感而發謂：「希望世界少啲天災人禍。」由於連日來缺乏休息時間，他直言不會再大事慶祝生日。

另外，大隊大前晚參加大會的晚宴，離場時被不少內地記者追訪，有指曾傳緋聞的城城及朱茵刻意前後腳出現，免得被拍「合照」。

放大圖片	城城（右）與舊緋聞女友朱茵（左二）合照時顯得避忌。