葉山豪怒插拍檔：怕佢佗累我哋！
藍燕自爆性史後，刻下與她有接觸的異性可謂人人自危。即將夥拍藍燕演出三級片的日籍男演員葉山豪（Hiro），昨日坦承：「啱啱知（藍燕大爆性史），都驚驚哋，因為戲裏面我同佢扮夫婦，有大量床戲，好彩我個角色早洩，可以避免過多嘅身體接觸。」
被怨唔夾新聞
據悉，原本毫不認識的二人在開鏡拜神當天，女的主動「送抱」兼翹着男方手臂出場，事後還「投訴」Hiro未能配合她：「佢話應該同記者答得sweet啲，等大家有嘢寫！」Hiro又稱：「呢部戲唔係普通色情片，所以我先接。大家都咁認真，我好擔心佢啲咁嘅新聞，會佗累我哋！」對於該俊朗製作人被爆性史，Hiro表示：「我同嗰位製作人本身都識，有約飲酒、食飯，佢畀我嘅感覺好nice。無論真定假，男歡女愛嘅嘢，係咪唔應該周圍講呢？」