A. Lin DaDa平安鐘惡鬥JC
何韻詩昨日以南區旅遊文化節活動大使身份出席「淺水灣夏日嘉年華」，在烈日下載歌載舞，而o靚模裴殷（A. Lin）、盧頌之（DaDa）和吳燕安（Annie G.）就擔任模特兒行騷，演繹性感沙灘裝。
A. Lin說：「啲名模有佢哋嘅市場，我哋都有young嘅市場。（即係話佢哋old？）佢哋前輩啲囉，我哋青春啲同fashion啲。」DaDa透露稍後因拍電影會經常曬太陽，問到可會怕身材給有份演出的警鐘胸Jessica C.比下去？DaDa即說：「唔驚，我哋有平安鐘同鬧鐘仔。」A. Lin亦笑言：「想送啲電芯畀佢，驚佢唔夠電。」穿上比堅尼top的她們表示不怕被仔𥄫，DaDa說：「嚟沙灘梗係着泳衣啦，唔通着睡衣咩！」A. Lin說：「預咗畀仔𥄫，如果冇人𥄫會好自卑。」對於o靚模性感上陣，何韻詩說：「佢哋露時我密實先有分別，我唔係走呢啲路線，留番畀啲後生啦！」
